Прва фотка од Ѓоковиќ по операцијата: На патерици се прости од Париз

Српскиот тенисер Новак Ѓоковиќ го оперираше менискусот на десното колено, а денеска потврди дека сѐ поминало добро преку фотографија на која се гледа како се движи со помош на патерици.

Ѓоковиќ мораше да се повлече од Ролан Гарос откако заработи повреда на исцрпувачкиот натпревар против Аргентинецот Франсиско Серундоло. Беше подложен на магнетна резонанца, која ја откри состојбата на неговото колено, по што реши да не губи време и веднаш да оди на операција.

„Изминатиот ден морав да донесам некои тешки одлуки откако доживеав кинење на менискусот за време на мојот последен натпревар. Сè уште обработувам сè, но среќен сум што можам да известам дека операцијата помина добро. Многу сум благодарен на тимот лекари што беа тука за мене“, напиша Новак, кој се прости од настапот и престојот во Париз.

Најважно за Ѓоковиќ е што на артроскопијата е утврдено дека не се работи за сериозен тип на повреда на менискусот за која би била потребна долготрајна пауза. Затоа, српскиот тенисер може да се надева на брзо враќање на терените.

Познато е и колку време Србинот треба да отсуствува од терените, а тоа е 3 недели. Тоа значи дека ќе го пропушти Вимблдон, но ќе биде подготвен за Олимписките игри во Париз кои почнуваат на 27 јули.