По неколку месеци одложување компанијата Rocket Lab успешно ја изврши својата прва комерцијална мисија и ја лансираше ракетата Electron во орбитата.
Ракетата со себе понесе шест мали сателити, но и товар кој помага при тестирање на технологија за напуштање на орбитата.
Мисијата е наречена „It’s Business Time“. Компанијата планира брз напредок така што веќе закажа ново лансирање за декември, кога ќе лансира неколку сателити на НАСА.
Целта е да се забрза производството на ракети за да се произведува една месечно, со што лансирањата би станале рутина. Со тоа би се „демократизирала вселената“ за компании и институции на кои ќе им понудат лансирања по ниски цени за разлика од конкуренцијата која користи големи и скапи ракети.