Првата дама на Франција, Брижит Троње, во „невообичаено интимно интервју“ зборуваше за односот со својот сопруг што го опиша како „сложен“.
Брижит рече дека изборот на нејзиниот сопруг Емануел Макрон за претседател на Франција ја „исплашил“ и нагласи дека таа лично нема политички амбиции.
Во интервјуто за француското радио RTL таа зборуваше за „сложениот однос“ со мажот кој е 24 години помлад од неа и додаде дека „не се идеална двојка“.
Таа признава дека францускиот претседател, нејзиниот сопруг, правел грешки, особено кога ги навредил невработените луѓе и кога не успеал да го дисциплинира советникот за безбедност кој истепа демонстрант, што според неа било „погрешен чекор што се претвори во политички скандал“.
Брижит исто така изрази сочувство кон демонстрантите од „Жолтите елеци“ кои, како што рече таа, „се мачат да врзат крај со крај“ и се лутат на политиката на Макрон што го поддржува крупниот капитал.
На крајот на интервјуто за француското радио, првата дама нагласи дека нема никакви политички амбиции: „Не, не, не, не. Немам ни наклонетост, ни способност да се занимавам со политика“, одговори Брижит.