Еколошки свесните мотоциклисти наскоро ќе можат да го возат електричниот Vespa скутер, првиот од својот вид. Vespa Elettrica почнува да се произведува од наредниот месец, а веќе од октомври ќе биде достапна на европскиот пазар.
Првите примероци на Vespa Elettrica ќе можат да се нарачаат онлајн, а веќе од почетокот на наредната година овој модел ќе биде достапен и на американскиот пазар.
Vespa Elettrica има максимална автономија до 62 километри, но затоа батеријата се полни целосно за само четири часа. Од компанијата велат дека, се очекува батеријата да трае 1.000 полнења, односно скоро 10 години употреба, пред нејзиниот капацитет да се намали на 80%.
Засега не се познати информации околу максималната брзина на овој скутер, но компанијата откри дека со користење на Eco mode на батеријата максималната брзина која тој може да ја достигне е 30 км/ч.
Од светлата страна, Vespa Elettrica е многу тивок скутер кој има голем број AI функции, вклучувајќи ја можноста за детектирање на пешаци и возила, како и планер за алтернативно решение во сообраќајот кога улиците се преполни со возила.
Цената на Vespa Elettrica во моментов не е позната, но од компанијата изјавија дека тој би требало да чини отприлика исто колку поскапите модели на Vespa – околу 7.000 американски долари.