Првата љубов никогаш не се заборава: Нејмар се враќа дома

Бразилскиот фудбалер Нејмар дефинитивно ќе го напушти саудиски Ал Хилал, а веќе е познато каде ќе ја продолжи кариерата.

Како што објави Фабрицио Романо, 32-годишниот Нејмар е на прагот да се врати во бразилскиот гигант Сантус.

Сантус веќе испратил понуда до Ал Хилал за позајмица на Нејмар до крајот на сезоната, односно до крајот на договорот со саудискиот клуб. Се очекува истата да биде прифатена.

Еден од доказите дека Нејмар дефинитивно го напушта Ал Хилал е тоа што клубот не го пријави за вториот дел од сезоната на саудиската Про лига, што не е чудно ако се земе предвид дека Бразилецот одигра само 7 натпревари од неговото доаѓање во клубот пред година и пол, а поради честите и долги паузи поради повреди. Сепак, на Саудијците им наплати вртоглави 200 милиони евра.

Иако се очекуваше да оди во МЛС, поточно во Интер Мајами или Чикаго Фајр, Сантус беше најконкретен и навивачите на бразилскиот клуб повторно ќе имаат можност да го гледаат фудбалерот кој им донесе 6 трофеи со 136 голови во 225 натпревари во периодот од 2009 до 2013 година.