Toyota ги објави првите фотографии од новата генерација на Corolla караван, која ќе ја наследи генерацијата Auris Touring Sports.
Јапонскиот произведувач, кон крајот на август најави дека со актуелната генерација ознаката Auris ќе замине во историјата, а наместо неа новиот компактен хечбек и караван ќе го добијат некогашното име Corolla, кое во изминативе 12 години во Европа е користено само за лимузина.
Toyota сега го откри дизајнот на караванот - Touring Sports.
На првите фотографии ни е прикажана верзијата со хибриден погонски систем.
Овој автомобил својата светска премиера ќе ја има на претстојниот саем на автомобили во Париз, а наскоро очекуваме повеќе детали од произведувачот.