Првите делумни резултати од гласањето во четирите региони на Украина контролирани од Русија покажуваат дека огромно мнозинство од над 96% од гласачите поддржуваат приклучување кон Русија, пренесе РИА Новости.
Гласањето беше организирано во период од пет дена во Народните републики Донецк и Луганск (ДНР, ЛНР) и во регионите Запорожје и Херсон, кои заедно сочинуваат околу 15% од територијата на Украина.
РИА наведува дека првичното пребројување покажува дека мнозинството се движи од 96,97% во Херсонската област, врз основа на 14% од преброените гласачки ливчиња, до 98,19% во Запорошката област, врз основа на 18% од преброените гласови.
Во ДРН и ЛНР мнозинството за приклучување кон Русија е на ниво од нешто помалку од 98%, а преброени се 14, односно 13% од гласовите.
Претседавачот на Советот на Руската Федерација, Валентина Матвијенко, изјави дека во случај резултатите од референдумот да бидат позитивни, ова тело би можело да размисли за приклучување на споменатите области кон Русија веќе на 4 октомври.
Западот нема да ги признае резултатите од референдумот што беше спроведен во, според нив, недемократска процедура на територијата на друга земја.