Се појавија првите снимки од местото на несреќата од филмскиот сет во Ново Мексико, каде актерот Алек Болдвин ја уби својата колешка Халина Хачинс (42) со импровизиран пиштол и го рани режисерот Џоел Соуза (48) за време на снимањето на вестернот „Rust“.
Како што може да се види на првите снимки, кои ги пренесуваат американските медиуми, трагедијата се случила за време на снимањето на сцена која вклучувала употреба на огнено оружје во импровизирана црква.
Во соопштението од продукцијата на филмот „Rust“ се наведува дека до несреќата дошло поради неправилна употреба на филмско оружје.
Во соопштението на полицијата се наведува дека е премногу рано да се каже за каков инцидент се работи, наведувајќи дека истражителите проверуваат каква муниција била употребена за време на снимањето на местото каде се случила несреќата.
