Словачкиот премиер Роберт Фицо беше застрелан денеска во обид за атентат пред владината зграда. Неколку минути по пукањето, на интернет се појави видео на кое се гледа како полицијата го апси атентаторот.
Според словачките медиуми, напаѓачот испукал неколку куршуми кон премиерот.
На видеото се гледа како полицајците и обезбедувањето во цивилна облека го совладуваат атентаторот и го соборуваат на земја додека граѓаните кои случајно се нашле таму се обидуваат да им се тргнат од патот.
Може да се види и како чуварите држат пиштоли и се обидуваат да го обезбедат местото каде што се случило се.
Според медиумите, Фицо е во тешка состојба и ќе биде опериран.
