Само што влезе во игра Гарет Бејл го постигна победничкиот гол за Тотенхем на вчерашниот дуел со Брајтон.
Во рамките на 7. коло од Премиер лигата тимот на Тотенхем синоќа на домашен терен го пречека Брајтон.
Уште во 13. минута Хари Кејн од белата точка го совлада Роберт Санчес и го отвори резултатот откако Адам Лалана крајно несмасно го фаулираше токму Кејн.
Гостите успеаја да израмнат во 56. минута преку Тарик Лампти.
На точно 20 минути до крајот Мурињо реши во игра да го стави Гарет Бејл кому тоа му беше само втор премиерлигашки настап. Три минути подоцна Велшанецот со глава ја затресе гостинската мрежа отккао Серхио Регилон одлично му сервираше.
Резултатот останат непроменет до крајот и Тотенхем прокнижи 3 бода, со што барем до вечер ќе биде втор со 14 бодови, два помалку од лидерот Ливерпул.
За Бејл ова беше четврти настап за тимот на Мурињо откако пристигна од редовите на Реал Мадрид. Претходно двапати играше во Лига Европа, а синоќешниот гол му е прв сезонава во сите натпреварувања.