Организаторот на фестивалот Здраво Млади 11, Младинскиот Културен Центар, денеска го откри првиот изведувач кој ќе настапи на овогодинешното изддание.
Viagra Boys е пост-панк бенд од Шведска кој требаше да настапи на минатогодишното издание, но поради рестрикциите со пандемијата, неговото учество беше откажано. Затоа, тие ќе се појават на сцената на МКЦ сега во август.
„Стигнавме и до оваа најава што ќе ни ги донесе #ViagraBoys, кои беа планирани за ланското издание. И повторно нема да ве лажеме и да глумиме опуштеност. МКЦ тимот брои гооолеми фанови на бендот и денес официјално станавме горди сопственици на акции од Shrimptech Enterprises🍤 Овој шведски пост-панк бенд со секој нов албум станува сѐ подобар и подобар. И конечно ја имаме таа чест да ги угостиме момците на 26 август во паркот на МКЦ. Билетите ги пуштаме за точно една недела од сега“, објави организаторот.
Традиционално, сите изведувачи ќе бидат еден по еден објавувани периодично. Првите билети за Здраво Млади 11 закажан за 26 август ќе бидат пуштени во продажба наредниот четврток.
