Израелска компанија синоќа ја лансираше својата прва мисија на Месечината. Ракетата Falcon полета од Кејп Канаверал на Флорида носејќи го приватно финансираниот робот наречен Beresheet.
Ако слетувањето биде успешно, ова ќе биде првиот приватен лендер што стигнал до површината на Месечината. Досега тоа го имаат направено само ровери на владите на САД, Кина и на Русија.
Ракетата Falcon на SpaceX го испрати Beresheet во Земјината атмосфера и оттаму тој самостојно ќе го продолжи двомесечното патување.
Зад Beresheet стои компанијата SpaceIL, а нејзина цел е слетувањето на роботот да послужи како инспирација за други и подобри мисии.
Beresheet чини околу 100 милиони долари, а по слетувањето ќе ја фотографира околината и ќе ги испитува магнетните карактеристики на Месечината. Исто така, роботот ќе може да се движи, па задачите ќе ги обавува на повеќе локации.
SpaceIL беше еден од кандидатите за наградата Google Lunar XPRIZE за финансирана мисија на Месечината што требаше да ја обезбеди технолошкиот гигант.
Никој не ја доби наградата бидејќи ниту една компанија „не ги задоволи потребните критериуми“. Сепак, дел од нив продолжија со реализирање на нивните идеи, а SpaceIL е една од нив.
