Добри вести од Наполи, засега. На првиот скрининг сите играчи се негативни на коронавирусот, вклучувајќи го и нашиот Елиф Елмас.
Наполи ги објави резултатите од првото тестирање на тимот за присутсво на вирусот COVID-19. Бидејќи во неделата играа против Џеноа, екипа во која има дури 14 заразени, се вклучи алармот кај „Партенопеите“.
Денеска попладне стигнаа резултатите од тестирањето во Наполи, а резултатите велат дека засега нема заразени.
Утре тимот ќе биде подложен на ново тестирање како би се потврдило дека со сигурност првичните резултати се точни.
Она што ја интересира македонската фудбалска јавност е ситуацијата со Елиф Елмас кој и тоа како ѝ е потребен на репрезентацијата за претстојниот бараж за пласман на ЕУРО против Косово кој ќе се игра на 8 октомври.
