Компанијата Amazon планира да покрие поголем дел од планетата со пристап до интернет. Потпишан е договор со компанијата United Launch Alliance со што девет ракети Atlas V се обезбедени за лансирање на интернет сателити.
Целта на Amazon е во ниската орбита на Земјата да испрати 3.200 сателити како дел од проектот Kuiper.
Со изборот на ракетата Atlas V, Amazon игра на сигурно бидејќи оваа ракета се користи скоро две децении, а од 2007 година има стопроцентна успешност. Ракетата беше користена и од НАСА за мисиите Perseverance и OSIRIS-Rex.
„Лансирањето не е мала задача, но ќе ни бидат потребни повеќе ракети и партнери за лансирање за да го следиме дадениот распоред“, велат одAmazon.
Компанијата доби дозвола половина од сателитите да ги лансира до 2026 година, а целата констелација до 30 јули 2029 година.
