Авто новости

Прво Ferrari со преден погон – Зошто да не?

8. јули 2019 - 14:34 | А.С.

Ferrari со претставувавањето на новиот SF90 дефинитивно сврти нова страница во својата историја и се позиционираше како предводник во имплементацијата на нови технологии.

На сите им е јасно дека на V12 им се одброени деновите, особено откако концептот V8 twin-turbo се одомаќини, дури и во светот на хиперспортски автомобили.

Кај Ferrari работата ја заврши 4.0-литарскиот V8 „бисер“ што во SF90 доби хибридна конфигурација.

Нуди 780 коњски сили и максимален вртежен момент од 800 Nm, а кога ќе се вклучат трите електромотори (два напред), максимално достигнува 1.000 коњски сили.

Меѓутоа, кај ова Ferrari особено е интересно е што ќе вози до 25 километри на струја, а тогаш функцијата ќе биде исклучиво на двата предни електромотори, што знали дека ќе има преден погон.

Ferrari тогаш вози како класичен електричен автомобил  - нечујно – со брзина од максимални 135 км/ч.

Дополнително, тука се и функциите регенеративно кочење и онаа најинтересната – синергиски ефект.

Во тој случај, SF90 е ѕверка на која ретко кој може да ѝ парира: од 0 до 100 км/ч забрзува за 2,5 секунди, а на 200 км/ч е за 6,7 секунди. Максималната брзина тогаш е 340 км/ч.

Како функционира погонот на SF90, видете во продолжение:

Коментирај