Јужнокорејската фудбалска репрезентација конечно дочека да гостува кај соседот, пред празни трибини и без тв пренос, а немаше ниту голови.
Последен пат натпревар помеѓу двете Кореи на севернокорејско тло се одигра на 11 октомври 1990 година и тоа пријателски, а победи домаќинот со 2:1. Оттогаш ниту азиски ниту светски квалификации не се играа во Северна Кореа бидејќи режимот донесе одлука да не се свири химната на Јужна Кореја и да не се истакнува нивното знаме, а ФИФА такво нешто не дозволува. Затоа, меѓусебните натпревари Северна Кореја како домаќин досега ги играше во Токио (2017) и во Шангај (2008, двапати).
Натпреварот на „Ким Ил Сан“ стадионот заврши без голови иако Јужна Кореја важеше за фаворит. Се играше пред празни трибини по одлука на домаќинот, а гости беа претседателот на ФИФА Џани Инфантино, како и двајца претставници на Јужнокореанската фудбалска асоцијација.
„Пробавме да стапиме во контакт со Северна Кореја во врска со директен пренос како и гостински навивачи, но тие упорно ги игнорираа напите повици“, изјави Ли Сан-мин, потпарол на јужнокорејското Министерството за обединување на двете Кореи.
Јужниот сосед барал да се овозможи директен пренос, но северот одбил, туку им рекол дека ќе им даде DVD снимка во среда сабајле пред играчите на Јужна Кореја да се качат на авионот за дома.