Фудбал

ПСЖ не застанува – 100 милиони евра за фудбалер на Челзи

11. октомври 2017 - 16:11 | К.З.

Екипата на ПСЖ не застанува со лудите трансфер суми, откако потроши 220 милиони евра за Нејмар. Овојпат на метата е играч на Челзи, со што би ја засилиле средината во тимот.

Новата трансфер желба на ПСЖ е Нголо Канте, кој лани ја освои наградата „Најдобар фудбалер во Премиер лигата“. Тие се спремни да понудат цели 100 милиони евра за реализирање на овој трансфер.

Откако нивната трансфер цел за во нападот, Алексис Санчез, ќе биде слободен играч на лето, тоа значи дека буџетот на ПСЖ е отворен за уште еден мега-трансфер.

Секако, Челзи нема лесно да се ослободи од Канте, но куповната моќ на ПСЖ е толку голема што би било незамисливо доколку Челзи ги одбие сите понуди за играчот од средниот ред.

Во составот на ПСЖ е отворено местото за играч од средниот ред, откако од тимот си отидоа Матуиди (Јувентус) и Криховијак (ВБА), а Тиаго Мота е извесно дека ќе ја заврши кариерата најдоцна до крајот на наредната сезона.

Коментирај