Бразилската ѕвезда тешко се помири со црвениот картон и поразот од Олимпик Марсеј, па твитна дека жали што не го удрил Алаваро по главата за да го заслужи црвениот бидејќи бил цел на расистички навреди.
Нов пех за Пари Сен Жермен се случи синоќа откако „Светците“ загубија и на вториот натпревар од новата сезона, сега од Марсеј со минимални 0:1.
Нејмар излезе од карантин и се врати на зелениот терен, но сега повторно ќе мора да паузира. Турканици и тепачки имаше во 6. минута од судиското надополнување по што главниот судија исклучи по двајца играчи од секоја екипа, а дополнително црвен доби Нејмар по интервенција на ВАР бидејќи неговиот удел во тепачката судијата не го виде.
Долго по натпреварот Нејмар не се излади, па ноќта твиташе.
„Единственото нешто за кое жалам е тоа што не му ја бапнав една по глава на тој кретен“, напиша Нејмар на Twitter. Тој всушност го удри со раката по тилот, па сега жали што не го мавнал многу подобро и посилно.
„ВАР го регистрираше моето 'агресивно' однесување... а што е со расистичките навреди и тоа ме нарекоа 'КУ*ВИН МАЈМУНСКИ СИН'... каде е тоа! И? Лесно е да ме казните мене, а што е со другите?“, праша јавно Бразилецот.
Сите тепачи ги чека дебела казна, вклучително и Нејмар, Лиг 1 секако ќе го испита и обвинувањето за расизам.