Водечкиот тим на францускиот фудбалски шампионат остана без гол на гостувањето во Оксер, па ПСЖ второ коло по ред освои само бод.
И покрај новиот натпревар во кој не славеа, парижаните имаат убаво водство од осум бода пред Марсеј, Лил и Монако.
Главен „виновник“ за уште еден меч во кој избраниците на Луис Енрике не победија беше домашниот голман Донован Леон, кој направи пет одлични одбрани за да ја зачува својата мрежа недопрена. Голманот на Француска Гвајана го заврши натпреварот со вкупно 11 одбрани, а само Мадс Хермансен од Лестер имаше повеќе во натпреварите од Лига пет оваа сезона во поразот од Арсенал. На второто место се израмни со Хрватот Недиљко Лабровиќ од Аугсбург, кој против Баерн имаше 11 одбрани.
ПСЖ синоќа упати 11 удари кон голот на Оксер, но не успеа да постигне гол. Ова е и рекорд по бројот на удари од тим во францускиот шампионат без постигнат гол откако OPTA собира податоци, односно од сезоната 2006/07.
Во првиот натпревар од 14. коло Лил како домаќин го совлада Брест со 3-1. Двоен стрелец за Лил беше Џонатан Дејвид (7-11м, 69), а асистираше и за голот на Хакон Харалдсон (44). Стрелец на единствениот гол за Брест беше Лудовик Ајорке (48).
ПСЖ е на врвот во Лига 1 со 34 бода. Марсеј, Лил и Монако имаат по 26 бода, но Лил има натпревар повеќе. Оксер е на осмата позиција со 20 бодови, додека Брест е на 11. место со само 16 бодови.
