Иако само што дојде во ПСЖ од Барселона, бразилскиот фудбалер Нејмар веќе му носи заработка на новиот клуб.
ПСЖ вчера наутро почна да ги продава дресовите со бројот и името на Нејмар и за само еден ден продаде над 10.000 дресови и заработи 1 милион евра.
25-годишниот Нејмар дојде од Барселона во ПСЖ со рекорден трансфер вреден 222 милиони евра, а дресот со неговото име во просек чини 100 евра.
Ако продажбата на неговите дресови продолжи со вакво темпо, ПСЖ до средината на март следната година ќе си ги врати вложените 222 милиони евра, уште во првата сезона од петгодишниот договор на Нејмар.
Треба да се има предвид и дека ПСЖ ги дели заработените пари со производителот на дресовите, Nike.
