Денеска се појави навистина интересна шпекулација од светот на фудбалот. Имено, според пишувањата на француските и англиските медиуми, ПСЖ има намера во своите редови да го доведе фудбалерот на Манчестер Јунајтед, Маруан Фелаини.
30 – Годишниот Белгиец е на „Олд Трафорд“ од 2013 година, каде пристигна од редовите на Евертон.
Неретко е на мета на бројни критики на навивачите поради лошите настапи посебно бидејќи очекувањата беа високи.
Го донесе Дејвид Мојс, а иако никогаш не беше омилен кај навивачите, сепак Фелаини беше клучна алка во тактиката на Мојс и Ван Гал, но и кај Мурињо.
Во последно време многу се зборуваше околу неговото заминување во текот на летото, а турскиот гигант Галатасарај беше една од возможните опции.
Сепак тренерот на „Црвените Ѓаволи“ Жозе Мурињо го блокираше потенцијалниот трансфер во јули, изјавувајќи тогаш дека Белгиецот му е „премногу важен“ за да му дозволи заминување од клубот.
Фелаини одговори со нешто подобри перформанси во првите неколку месеци од сезоната, односно постигна четири погодоци на 10 настапи во Премиер лигата и Лигата на шампионите, од кои само во четири беше во почетниот состав.
Сега Белгиецот е повторно на излезните врати од клубот, а неговиот договор истекува на крајот од сезоната.
Тоа значи дека тој е слободен да потпише пред договор со било кој друг клуб веднаш на почетокот на зимскиот трансфер период во јануари.
ПСЖ наводно сака да ја искористи оваа ситуација и да го доведе Фелаини што побргу во своите редови.