Францускиот шампион се засили со бразилскиот фудбалер кого Барса го праќаше по позајмици пред конечно да успее да го продаде.
Трансферот се случи во последните часови од преодниот рок кој заврши синоќа. ПСЖ испрати понуда, а со Барса брзо ги договорија условите. Рафиња потпиша 3-годишен договор со тимот од Париз. Со Барса тој имаше договор до јуни 2021.
Бразилскиот играч од средниот ред беше дел од каталонскиот тим уште од 2006 година кога пристигна на 13-годишна возраст во младинските категории. Иако долги години беше во Барса, не се наигра настапувајќи на само 90 натпревари за 8 сезони во кои постигна и 12 голови. За вториот тим одигра 84 натпревари со 20 голови. Често имаше проблеми со повреди. Беше позајмуван трипати, еднаш во Интер и на два наврата во Селта, од кои последниот во ланската сезона.
Рафиња е четврто засилување за ПСЖ во последните два дена во кои „Светците“ ги донесоа Моис Кин од Евертон, Данилу Перејра од Порто и младиот Секу Јансан од Дижон.
ПСЖ го ќари Рафиња за беспари откако Барса во очај да се ослободи од неговата плата, прифати таква зделка. Моменталната негова вреднст е само 9,5 милиони евра, додека пред две години кога Интер сакаше да го купи му беше речиси 30 милиони.
