Со доаѓањето на Аргентинецот Лионел Меси ПСЖ доби фантастичен фудбалер, но и многу повеќе.
Трансферот на Меси имаше директно влијание врз квалитетот на фудбалот, имиџот и приходите на ПСЖ. Благодарение на одличниот фудбалер, францускиот клуб заработи 700 милиони евра во една година.
El Economista пишува дека благодарение на Меси, ПСЖ добил до десет нови спонзори, а приходите од спонзорските договори се зголемиле од три на осум милиони евра. Некои од овие спонзори се познати брендови, вклучувајќи ги Dior, Gorillas, Crypto.com, PlayBetR, GOAT, Smart Good Things, Volt, Big Cola, Sports Water и Autohero. Исто така, спонзорскиот договор на ПСЖ со Најк носи 75 милиони евра годишно, а беше потпишан до 2032 година.
Меси е одговорен и за огромниот пораст на продажбата на клупските дресови. ПСЖ минатата година продаде повеќе од милион дресови, а цената на еден варираше меѓу 90 и 160 евра. Повеќе од 60 отсто од продадените дресови го носеле презимето на Меси.
Дополнително, Меси имаше влијание на профилите на социјалните мрежи на ПСЖ. Клубот доби повеќе од 15 милиони фанови на сите свои платформи, а вкупниот број надмина 150 милиони.
ПСЖ добиваше 1,4 милиони фанови неделно и ја премина границата од 10 милиони фанови на TikTok, а исто така е најследен на Instagram во споредба со нивните француски ривали.
