Една птица неодамна собори светски рекорд за најдолг лет откако го прелета патот меѓу Алјаска и Нов Зеланд. Нејзиниот лет беше следен од организацијата Global Flyway Network која соработува со научници кои ја проучуваат миграцијата на птиците.
Птицата носела уред за следење, а сателитските податоци покажуваат дека станува збор за лет долг 12.845 километри, а кој траел 224 часа без прекин.
Ова е всушност рекорден лет кој го надмина претходниот од 2007 година, долг 11.680 километри. Станува збор за птицата црноопашна блатарка која може да се сретне и во Македонија. Тоа е релативно голема птица со долги нозе и долг клун, за првпат опишана од шведскиот биолог Карл Лине во 1758 година.
Нејзиниот облик многу потсетува на воен авион, има долги шпицести крилја и аеродинамичен облик на телото. Овој рекорд е показател дека природата може да постигне многу повеќе од технологијата.