Што е тоа што прави еден лик од серија да живее долго во сеќавањето на публиката, дури и години откако ќе престане да се емитува серијата?
Во некои случаи причината е одличната работа на сценаристите кои создале опиплив лик со незаборавни реплики, а некогаш самиот актер го направил ликот посебен и незаборавен.
Љубителите на серии знаат дека понекогаш толку многу се поврзуваме со нашите омилени ликови што ни недостигаат откако ќе заврши серијата, како луѓе со кои сме биле пријатели, кои биле со нас во вистинскиот живот. Понекогаш тоа се анимирани ликови кои остануваат со нас долго после детството.
Телевизиската уметност памети многу легендарни ликови, но публиката го кажа своето.
Порталот Ranker, каде се водат рангирања по најразлични основи во филмската и ТВ уметност според мислењата на публиката, направи ранг листа на омилени ликови (машки улоги) од ТВ-серии во сите жанрови заедно.
Според гласовите од публиката, најомилен лик од ТВ серии на сите времиња е Волтер Вајт од „Breaking Bad“. Неповторливиот „Хајзенберг“ го играше Брајан Кренстон во серијата што се емитуваше од 2008 до 2013 година.
Веднаш по него е ликот на Тирион Ланистер (го играше Питер Динклиџ) во епската сага „Game of Thrones“ на HBO, а топ 3 го заокружува шармантно смотаниот и неверојатно духовит Чендлер Бинг од „Friends“ кој десет години го играше актерот Метју Пери.
Во продолжение видете кои ликови се најдоа во топ 10.
Дали Вашиот омилен лик влезе меѓу најомилените според мислењето на широката јавност?
Продолжете да читате: Ова е најомилениот филмски лик на сите времиња
