Вооружен 19-годишник синоќа во Братислава уби двајца мажи и тешко повреди келнерка во популарен ЛГБТИ+ паб во центарот на градот, соопшти полицијата.
Истрагата го идентификувала сторителот, кој исто така е мртов, објави полицијата на Facebook. Двајца мажи се убиени пред паб кој е популарна дестинација за припадниците на ЛГБТИ+ заедницата во центарот на Братислава.
Сторителот го признал делото преку интернет пред да се самоубие, пишува порталот Sme.sk.
19-годишниот напаѓач објавил пораки со омраза за сексуалните малцинства во форма на манифест со хомофобична содржина и неонацистички чувства на Twitter и на други социјални медиуми, се вели во извештајот. Од утрово, ниту еден од тие профили повеќе не се достапни.
