Меки, вкусни путер кифлички може да се подготват со само неколку состојки. Со едноставен рецепт и лесна подготовка можете да подготвите путер кифлички во вашиот дом.
Во зависност од тоа како ги сакате, можете да ги направите благи, солени, полнети или со некои посебни додатоци.
Состојки
650 гр бело сенаменско брашно
250 мл млеко
100 гр путер
100 гр шеќер
1 пакетче сув квасец
1 јајце
50 мл млака вода
1 лажица сол
За премачкување
-две лажици млеко, една жолчка
Подготовка
Растопете го путерот во топло млеко, а квасецот ставете го во топла вода. Измешајте ги брашното, шеќерот, солта, јајцето, водата со квасецот и млекото со путерот. Се матат со миксер додека не се соединат состојките, односно додека не се добие мазно тесто.
После тоа, покријте го тестото со крпа и оставете го да отстои барем еден час да нарасне. Потоа тестото поделете го на 14 топчиња и секое расукајте го во круг и расукајте со краевите внатре. Кифличките премачкајте ги со мешавина од млеко и жолчка и ставете ги во плех обложен со хартија за печење, а рерната загрејте ја на 220 степени Целзиусови. Се пече 15 минути.
