Рускиот претседател Владимир Путин вчера изврши увид во полигонот за обука на мобилизираните трупи и снимен е како пука од снајпер. Видеото очигледно е наменето да ја покаже личната поддршка на Путин за војниците кои ќе заминат да се борат во Украина.
На патување во Рјазањ, југоисточно од Москва, Путин беше во друштво на министерот за одбрана Сергеј Шојгу, кој го информираше како изгледа обуката на регрутите, соопшти Кремљ.
На објавената снимка се гледа како Путин лежи на земја и пука со пушка. На следната снимка се гледа како Путин го брише палтото, го тапка војникот по рамо и му посакува среќа.
Посетата дојде еден ден откако Путин прогласи вонредна состојба во четири окупирани региони на Украина. Соочен со серија порази во војната, Путин минатиот месец прогласи делумна мобилизација за да повика стотици илјади дополнителни војници.
Мобилизацијата се одвиваше хаотично, со чести случаи на повици до погрешни луѓе, по што Путин беше принуден да ги признае грешките.
Во текот на хаосот, илјадници Руси побегнаа во странство за да избегнат мобилизација.
