Рускиот претседател Владимир Путин потпиша декрет за возвратни економски санкции како одговор на „непријателските акции на одредени држави и меѓународни организации“, соопшти Кремљ.
Според декретот, Русија ќе забрани извоз на производи и сировини на лица и субјекти кои се санкционирани.
Уредбата исто така забранува трансакции со странски поединци и компании погодени од руските возвратни санкции и дозволува руските партнери да не ги исполнуваат обврските кон нив.
Русија е под силен удар на Западот во поглед на економски санкции од кои не само што се погодени институциите и компаниите во оваа земја, туку и поединци во Русија, првенствено олигарсите кои важат за блиски луѓе до Путин.
На овој начин, рускиот претседател се обидува да го ублажи ефектот од тие санкции. Но, јасно е дека може најмногу да игра на карта на нафтата и природниот гас.
