Претседателот на Русија изјави дека конфронтацијата меѓу Русија и Украина по распадот на Советскиот Сојуз била неизбежна, се очекуваше да биде цивилизирана, но, како што рече, тоа „за жал“ не се случи.
„По распадот на СССР, неизбежно беше да има некаков натпревар меѓу Русија и Украина. Ова се подразбира, но веројатно оние што се занимаваа со тоа претпоставуваа дека сè ќе биде на цивилизиран начин и згора на тоа, врз основа на нашата близина и заедништво - историско, културно, јазично и така натаму. За жал, работите тргнаа поинаку“, рече Путин.
Тој додаде дека Украина е под контрола на прозападните политичари кои почнале да ја претвораат земјата во „антируска“ речиси веднаш по распадот на Советскиот Сојуз.
Го коментираше и наводниот напад со украинско беспилотно летало врз Москва, обвинувајќи ја Украина за „терористичка активност“. Посочи дека нападите имале за цел „да ги исплашат руските граѓани и да нападнат станбени згради“.
