Рускиот претседател Владимир Путин реагираше на воздушните напади на САД врз сириска воздушна база, во која има и руски војници. Тој смета дека нападите на Сирија се одвраќање на вниманието од цивилните жртви во Ирак.
Путин изјави дека овој чекор е значајна штета за руско-американските односи кои и така беа очајни. Рускиот претседател смета дека американските напади на Сирија претставуваат сериозна пречка во создавањето на меѓународна коалиција за борба против тероризмот. Русија ги смета овие напади како агресија над суверена држава, односно претставуваат кршење на меѓународното право. Според рускиот портпарол Песков, сириската војска нема хемиско оружје.
Од друга страна, Џеф Дејвис, портпаролот на Пентагон, изјави дека американската војска однапред ги известила руските сили за нападите на сириската воздушна база, односно дека во нападите не се погодени делови на базата за кои се верува дека има Руси.
Во првата реакција на Москва за американскиот напад, земјата побара итна седница на Советот за безбедност на ОН. Американската воена операција доби осуди и од Иран, додека сириската опозиција и Саудиска Арабија ги поддржуваат нападите.
