Рускиот претседател Владимир Путин на Меѓународниот арктички форум во Архангелск, изјави дека антируските позиции ги подгреваат одредени сили во САД за сопствени цели, но истовремено изрази подготвеност да се сретне со Доналд Трамп во рамките на состанокот на Арктичкиот совет во Финска.
„Антируските позиции се подгреваат во интерес на одредени политички сили во самите САД, со цел да се поправат своите сопствени позиции, во прв ред, во самите Соединети држави“, смета рускиот претседател Владимир Путин.
Во продолжение Путин ја опиша Финска како многу добар сосед на Русија, кој има многу добро искуство за организација на значајни настани од овој вид.
„Во оваа смисла, Финска, според моето мислење, е многу погодна земја, а Хелсинки е соодветното место за организација на вакви случувања“, додаде Путин.
Притоа истана дека неговата евентуална средба со американскиот претседател Доналд Трамп би требало да биде подготвена добро од двете страни.
„Доколку тоа се случи, ќе бидеме среќни да учествуваме и лично ќе ми биде драго да учествувам на еден ваков настан. Ако, пак, не се случи тоа, тогаш би се случило во рамките на вообичаените средби, како на пример самитот на Г-20 во јули и сметам дека таква средба може да се одржи“, заклучи Путин.
