Рускиот претседател Владимир Путин заигра на гала натпреварот, беше доста голгетерски расположен и го предводеше својот тим до голема победа.
Тимот наречен Хокеарски Легенди предводен од Путин со 17:6 го растури комбинираниот тим на Ноќната Хокеј Лига во гала натпревар кој се одржа во арената „Бољшој Леден дворец“ во Сочи.
Рускиот претседател постигна 7 гола: 1 во првата третина и по 2 во втората и третата.
Во тимот на Путин соиграчи му беа министерот за одбрана Сергеј Шојгу, како и олимписките шампиони Вјачеслав Фетисок, Алексеј Касатонов, Валериј Камбески, Павел Буре и други. Голман беше гувернерот на регионот Тула, Алексеј Дјумин. Путин традиционално настапи во црвен дрес со број 11.
На спротивната страна дел од тимот беа газдата на Volga Group, Генадиј Тимченко, извршниот директор на Norilsk Nickel, Владимир Потањин, како и косопственикот на СМП Банк, Роман Ротенберг.
Ноќната Хокеј Лига беше формирана на иницијатива токму на Путин во 2012 година кога се одигра и првиот натпревар, на 7 мај, само неколку часа по претседателската инаугурација на Путин во Кремлин.
