Објавен е датумот кога Русија официјално ќе објави анексија на источните и југоисточните делови на Украина. Ова ќе се случи утре, 30 септември, потврдија од Кремљ.
Портпаролот на Кремљ Песков најави дека Путин утре во 15 часот по московско време ќе ја потпише анексијата на окупираните делови на Украина.
Руската државна новинска агенција РИА Новости во Русија објави непосредно пред официјалното соопштение на Кремљ дека „пратениците на Државната дума добиле покана во Кремљ за настан на 30 септември на кој ќе присуствува и рускиот претседател Владимир Путин“ и исто така наведе дека на церемонијата ќе започне во 15 часот.
Како што наведува BBC, ова потсетува на руската анексија на Крим во 2014 година, на која исто така и претходеше референдум и победничкиот говор на претседателот од бината.
Од 23 до 27 септември, Руската Федерација организираше референдуми за анексија на нејзината територија на привремено окупираните украински територии Херсон, Запорожје, Луганска и Донецка област.
Проруските власти соопштија дека на референдумот 99 отсто од гласачите гласале за припојување на овие области кон Русија.
ЕУ го осуди референдумот, наведувајќи дека нема да ги признае неговите резултати.
Да потсетиме, утрово на Црвениот плоштад во Москва беше поставена бина со големи екрани и огромни натписи на кои пишуваше дека Донецк, Луганск, Херсон и Запорожје се делови од Русија.
