Рускиот претседател Владимир Путин на севернокорејскиот лидер Ким Џонг Ун му подари руска лимузина Aurus, сет за чај и адмиралска кама, јави руската државна новинска агенција ТАСС, цитирајќи го официјален Кремљ.
За време на неговата посета на Пјонгјанг, Путин за возврат доби различни уметнички дела на кои е прикажан, вклучително и бисти, рече Јуриј Ушаков, советник на претседателот.
Весели толпи луѓе и раскошни свечености го дочекаа Путин денеска во главниот град на Северна Кореја, каде Ким Џонг Ун изрази „целосна поддршка“ за руската војна во Украина и вети посилни стратешки врски со Москва.
Aurus Senat, ретро стилизиран по лимузината ZIL од советската ера, е официјален руски претседателски автомобил и Путин го возеше на неговата инаугурација во Кремљ во мај.
Кога Ким ја посети источна Русија минатиот септември, Путин му покажа едно од црните оклопни возила. Ким седна до Путин во автомобилот и изгледаше како да ужива.
Путин му го даде на Ким својот прв седан Aurus во февруари оваа година, рекоа тогаш двете земји, што значи дека тој сега има најмалку две возила.
Се верува дека Ким е страстен ентузијаст за автомобили. Тој има голема колекција на луксузни странски возила кои најверојатно биле шверцувани, бидејќи резолуциите на Советот за безбедност на ОН забрануваат извоз на луксузни стоки во Северна Кореја.
Тој е виден во Maybach лимузина, неколку возила Mercedes, Rolls-Royce Phantomu и Lexusu.
Висок руски функционер минатиот месец изјави дека Русија оваа година ќе започне со производство на луксузни автомобили Aurus во поранешна фабрика на Toyota во Санкт Петербург.
