Рускиот претседател Владимир Путин пред состанокот со американскиот лидер Џо Бајден во Женева, даде интерјву за американската телевизија NBC.
Во текот на интервјуто оцени дека војните вежби на НАТО и САД се одржуваат во непосредна близина на руските граници, па го постави прашањето што ќе се случи ако и Русија го направи истото.
„Замислете и ние да испратиме војска пред вашите граници. Каков би бил вашиот одговор?“, запраша Путин.
Американската телевизија потсетува дека кога Путин го прашаа за неодамнешното префрлување на руската војска во близина на украинските граници, поради што сите се загрижија од можност за инвазија, Путин рече дека Русија војните вежби ги спроведува во близина на руските граници.
Путин ги отфрли сите обвинувања кои се однесуваат на вмешаноста на Русија во изборниот процес, додека за обвинувањата дека Русија или руските хакери се одговорни за кибер нападите во Америка, рече дека тоа е фарса.
„Нè обвинуваат за многу работи. За мешање во изборите, за кибер напади итн. Ниту еднаш, но ниту еднаш не приложија никакви докази. Тоа се само неосновани обвиненија“, рече Путин.