Во документарен филм кој беше емитуван на BBC3, поранешната девојка на пејачот Р. Кели го обвини пејачот дека тој „одгледувал“ девојки за да му бидат сексуални миленици, а меѓу нив биле и малолетна девојка која во тој момент имала само 14 години.
Пејачот Р. Кели и во минатото имаше проблеми со законот, најмногу поврзани со неговата љубов за малолетнички и легалниот ланец на проституција кој го води.
Новите обвинувања стигнаа во форма на документарен филм во кој Кити Џоунс, поранешната девојка на пејачот, во кој таа тврди дека таа заедно со уште неколку девојки биле чувани во куќата на Р. Кели и биле одгледувани како сексуални миленици. Многу често нивната задача во денот била само сексуално да го задоволат пејачот, а најчесто тоа се случувало во неговата „секс-пештера“.
Најголемото обвинение е тоа дека помеѓу сексуалните миленици кои живееле со Р. Кели имало и 14-годишна девојка, која била „одгледувана“ за што подолго да му служи на пејачот.
„Тој ме запозна со една од девојките, за која ми рече дека ја одгледувал од нејзини 14 години, тоа беа негови зборови. Забележав дека беше облечена како мене, ги имаше истите маневризми како моите. Тогаш ми текна дека и мене ме одгледувал како еден од неговите миленици. Миленици, така ги нарекуваше девојките“, рече Кити Џоунс во интервјуто за BBC3.
Р. Кели засега нема никаков коментар за BBC3, ниту за друг медиум. За него ова не е прво обвинение од овој тип. Пред неколку години тој беше обвинет дека има свој легален ланец на проституција, а единствениот муштерија е тој самиот. Имено, тогаш обвинението велеше дека девојките кои живеат со Кели имаат пристап до неговиот имот, но под услов сексуално да го задоволуваат кога сака и колку сака. Тој им давал пари, им купувал автомобили, накит и облека за да бидат „послушни“.
Во документарниот филм Кити Џоунс вели дека пејачот бил „физички и психички насилен“ и го опиша како многу нестабилен. Таа смета дека Кели е опседнат со тоа да има контрола над сите луѓе околу него.