Винарницата Murphy-Goode од Калифорнија објави оглас за работа од соништата за сите страсни љубители на вино.
Личноста којашто ќе ја добие работата една година ќе живее во областа Сонома, позната по вината, без да плаќа кирија. Платата е 10.000 долари месечно.
Новите вработени во винарницата би требало да бидат подготвени да ја следат својата страст, стои во огласот. Првите неколку месеци работните должности се широки, што овозможува новиот работник да ги сфати сите аспекти од винарството. Потоа, винарницата ќе работи на дефинирање на страстите и доловување на неговото место во светот на виното.
„Ви нудиме работа којашто ќе ве катапултира во винската стратосфера“, стои во описот на компанијата.
Некои од потенцијалните работни должности се стекнување знаење за работење со вино, учења за е-трговија и слично. Работното место е отворено за сите постари од 21 година и овластени за работа во САД. Потенцијалните кандидати треба да снимаат видео во кое ќе објаснат зошто е ова нивната работа од соништата. Најважната квалификација е вистинската љубов кон виното.
Огласот е отворен до 30 јуни, а избраниот кандидат со работа почнува од септември годинава.
Станува збор за семејна винарница основана во 1985 година во Калифорнија.