Пандемијата принуди многумина од нас да работат од дома, особено оние чија професија се потпира на работа со компјутер.
Со оглед на тоа дека ситуацијата нѐ фати неподготвени, голем дел од канцелариските работници едноставно само ги спакуваа компјутерите и се преселија во „домашната канцеларија“.
Но, не секој е технички подготвен да работи од дома, па бирото често е импровизирано, исто како и столицата. Голема е веројатноста дека лошата поставеност на телото да резултира со болки во главата, вратот, рамената, грбот и рацете, болки за кои досега не знаевте.
Седечката работа и онака со себе носи многу здравствени ризици, дури и кога имате најдобри ергономски дизајнирани услови за работа. Според најновите истражувања, секој од нас во просек поминува околу 7,7 часа дневно во седечка положба. Секојдневното седење има многубројни последици на телото, а неактивноста е четврта најчеста причина за предвремена смрт во светот.
Долготрајното седење може сериозно да влијае на здравјето, а според последните истражувања во Велика Британија, од ваквиот начин на однесување годишно умираат 70.000 луѓе, повеќе отколку од рак на белите дробови, пренесува Daily Mail.
Друго истражување спроведено во САД покажа дека дури ни редовната физичка активност вон работното време не ја надоместува штетата што ја предизвикува долготрајното седење без правење паузи и раздвижување.
Со оглед на тоа дека сѐ повеќе се зголемува бројот на седечки професии, а се чини и ќе работиме од дома уште долго време, реагирајте уште пред да ги забележите првите тегоби од долгото седење.
Правете чести паузи со станување, истегнување и раздвижување за време на работниот ден (на секои 30 до 60 минути), а во текот на денот направете една прошетка од најмалку 30 минути активно одење.
Седечката работа (и седечкиот начин на живот воопшто) го зголемуваат ризикот од прекумерна дебелина, дијабетес, кардиоваскуларни болести, рак на дебелото црево, како и предвремена смрт.
Ако веќе ги чувствувате болките предизвикани од работата пред компјутер, со овие три вежби ќе се вратите во живот:
