Многу од работите што ги користиме и денес потекнуваат од Стариот Рим, а ова се само некои за кои можеме да бидеме благодарни.
Кој од овие пронајдоци знаевте дека потекнува од Римјаните и што најмногу ве изненади?
Иако се пишувало и пред Рим, книгите какви што ги знаеме денес, оние со тврди корици, настанале токму во Римската Империја. Тие биле познати како codex, кој се однесувал токму на тврдите корици кои ја штитат содржината во нив. Иако ваквите книги биле пишувани уште во 1 век, тие релативно бавно влегле во поширока употреба и станале стандард дури во 4 век.
Концептот на домување потекнува од Стариот Рим, како последица на порастот на населението и големата урбанизација. Со текот на времето, тамошните архитекти почнале да градат сè повеќе згради во кои живееле различни семејства во различни станбени единици.
Секако, не се работи за весниците какви што ги знаеме денес, не изгледале ниту слично, за да не зборуваме за постоење на фотографии во нив. Меѓутоа, Римјаните постојано биле информирани за настаните во Империјата, а вестите обично биле врежани во камен и ставани на фреквентни места.
Секако, треба да се земе предвид и степенот на писменост, а повеќето граѓани не можеле да го читаат напишаното, но сепак било забележано дека првиот весник бил издаден во 59 година п.н.е. за време на владеењето на Цезар.
Со оглед на големината на Империјата, која се простирала на три континенти, требало да се најде начин за ефективно комуницирање.
Преносот на државни и приватни писма и пораки била одговорност на курирската служба Cursus Publicus, основана од императорот Август, која функционирала како прва поштенска служба во светот.
Сто години пред новата ера, римскиот писател Целзус направил водич за орална медицина, во кој опишал како треба да се лекува забоболката и како да се третира губењето на забите.
Откритието на археолозите од 1998 година зборува и за тоа како тие се занимавале со „стоматологија“ во Рим. Имено, тогаш во Франција пронашле останки од луѓе од 1 или 2 век кои имале железен имплант, обликуван точно по изгубениот заб. Доказ за квалитетот на забите на старите Римјани се најдени и на телата откриени во Помпеја.
Се разбира, тоа не билр клима уреди какви што ги знаеме денес, но Римјаните имале и генијален начин за разладување. Имено, познатите аквадукти не служеле само за снабдување со вода, туку и за ладење и загревање на домовите на богатите Римјани. Водата поминувала низ цевки во ѕидовите и подот на римските куќи и на тој начин ја регулирала температурата во домовите (или становите).