Не ги оставај патиките во соблекувална
Има потреба да објаснуваме на колку начини е погрешно ова? Смрдат. Пречат на поминување и пресоблекување. Не ги оставај под клупа, туку складирај си ги во твоето шкафче.
Не користете справа или клупа без да ставите пешкир на неа
Нечистите справи и клупи содржат вируси, бактерии и габи. Доколку имаш гребнатинка или рана и допреш таква површина, можеш да добиеш сериозна инфекција. Подобрите теретани имаат средства за дезинфекција, марамчиња и останати производи со кои можеш да ги дезинфицираш површините, а даваат и пешкири за вежбање кои треба да ги ставиш за време на вежбањето.
Не се туширај без влечки
Купи си евтини влечки и заштити ги стапалата од бактериите и нечистотијата под тушевите.
Немој да делиш несакани совети
Избегнувај да делиш совети во теретана. Можеби некој не сака да слуша критики и препораки, а можеби и му даваш погрешен совет. Единствена ситуација во која советот е корисен е кога некој очигледно прави нешто со што ќе си нанесе повреда.
По вежбањето, врати ги теговите на нивното место
Никој не е должен да собира тегови околу тебе. Ни другите вежбачи, ниту вработените. Не биди глуп цреп.
Не вежбај на „прометни” места
Местата како влезот и ходниците се резервирани за одење, а не за исчекор, скокање на јаже или други вежби. Подобро да вежбаш на друго место отколку да повредиш случаен минувач.
Користи ги машините правилно
Лат машината користи ја како лат машина и како ништо друго. Секоја справа си има своја намена.
Не поминувај премногу блиску до некој кој вежба
Освен што е опасно бидејќи може случајно да те повреди, веројатно ќе го деконцентрираш и нервираш.
Не им се пуштај на девојки
теретаните се одлично место за запознавање жени кои имаат слични интереси и одлична форма, но воедно се и најлошото место за додворување и преправање дека им даваш совет. Освојувањето сочувај го за после тренингот.
Не позајмувај опрема без да прашаш
Доколку видиш некој да стои покрај празна клупа, пред да почнеш да вежбаш на неа прашај го дали е слободна. Во тој случај, дури и да е зафатена, веројатно ќе побрза или ќе ти предложи да се менувате.
Не пишувај пораки додека одиш
Можеш да се повредиш себе, но и останатите додека одиш со поглед насочен во мобилниот.
