Клубот од Градски парк доби големо засилување на центарската позиција откако потпиша со 219 сантиметри високиот Роберт Рикиќ.
Рикиќ е вториот странски играч во тимот на Работнички откако претхосно потпиша Србинот Никола Малешевиќ.
33-годишниот Хрват од Мостар минатата сезона играше за КВИС Пардубице во лигата на Чешка. Во 46 натпревари имаше просек од 13,5 поени, 6,3 скокови и 1,5 асистенција. Многу добра година во неговата кариера бидејќи беше избран за вториот тим на Eurobasket.com All-Cech League.
Рикиќ беше одбран во идеалниот тим од домашни играчи во лигата на Босна и Херцеговина на Eurobasket.com во 2014 и 2018 година.
Нему македонската лига не му е непозната бидејќи во сезоната 2021/2023 играше за МЗТ освојувајќи ги трофеите од лигата и суперкупот, а настапуваше и во АБА лигата. Претходно играше и за кавадаречки Еуро Никел, денес познат како Тиквеш.
Рикиќ е многу искусен играч. Има играно и во клубови од Црна Гора (Будучност), Словенија (Цедевита, Олимпија), Хрватска (Сплит, Загреб, Зрињевац, Дубрава и Дубровник), Босна (Слобода, Широки, Игокеа и Зрињски) и Чешка (Праха и КВИС Пардубице). Беше и младински У20 репрезентативец на Хрватска.
