Во кошарската машка прва лига гостински победи славеа Работнички и Куманово, додека Кожув ги израдува своите гледачи.
Работнички немаше никаков проблем со претпоследнопласираниот тим на Вардар прокнижувајќи убедлива победа од дури 52 поена разлика. Вардарци даваа отпор нецело прво пулувреме, а во третата четвртина Работнички со серија од 22:0 го скрши нивниот отпор.
Куманово го изненади тимот на Гостивар славејќи на гостински терен. Само втор пораз за гостиварчани сезонава кои ја прекинаа серијата од 5 победи во низа.
Екипата на Кожув во тешка битка на крајат славеше со 9 разлика над Академија ФМП. Зданавичиус беше најефикасен постигнувајќи 31 поен.
Резултати:
Гоствар - Куманово 72:85
Кожув - Академија ФМП 87:78
Вардар - Работнички 55:103
Денеска:
Еуро Никел - МЗТ
Колото ќе се затвори во среда со натпреварот меѓу МЗТ 2 и Пелистер.
