Две жени и тројца мажи се обвинети за кражба на околу 250 тони лосос во вредност од над четири милиони австралиски долари (околу три милиони американски долари) од фабрика за преработка во Сиднеј, соопшти денеска полицијата на Нов Јужен Велс.
Полицијата ја почнала истрагата во декември 2020 година откако извршниот директор на компанија за одгледување и преработка на лосос открил дека околу 600 килограми лосос дневно исчезнуваат од неговата фабрика за преработка во Инглбурн, град југозападно од Сиднеј.
Истрагата резултираше со апсење на двете работнички и тројцата работници во фабриката. Сите беа отпуштени.
Полицијата извести дека петмина вработени во фабриката „ги користеле своите позиции во компанијата за лажно да ги оценуваат премиум производите од лосос како отпад, а потоа ги изнесувале од фабриката во свој „аранжман“ го продавале или разменувале за други производи.
Полицијата соопшти дека наведените работници, членови на синдикатот, наводно украле повеќе од 250 тони лосос помеѓу јуни и декември 2020 година.