Компанијата која гради еден од стадионите во Катар на кој ќе се играат натпревари од СП 2022 не ги плаќа работниците, поради што тие останаа беспомошни на илјадници километри оддалечени од нивните домови.
Градежната компанија Mercury MENA нема исплатено неколку илјади долари во плати и бенефиции, па нејзините најмени работници останале без пари и без начин да се вратат во нивните земји, наведува Amnesty International
ФИФА ја обвини новинската агенција Amnesty International дека дава лажни информации и пробува да му наштети на Светското првенство кое треба да биде одржано во 2022 година. Во одбрана на нивниот став, Amnesty понудија докази.
Според нив, најмалку 78 работници од Непал, Индија и Филипини немаат добиено плата од февруари 2016 година и дека во просек компанијата должи по 2.000 долари од човек. За голем број од работниците ова е сума за која работат по неколку месеци. Некои од работниците гледаат како нивниот живот се уништува пред нивните очи, поради тоа што тие се заробени во Катар без пари и не можат да се вратат во нивните домови.
„Доколку Катар ги осигура парите на работниците, оваа држава може да им помогне на овие мигрантски работници да ги вратат животите во колосек“, пишува Amnesty International.
Агенцијата тврди дека компанијата Mercury MENA го искористила катарскиот систем „кафала“, кој ги спречува работниците да го променат работното место или да ја напуштат земјата без дозвола од нивниот шеф.
