Најновата анкета покажува дека 40 отсто од возачите и понатаму претпочитаат автомобили со рачен менувач, додека 46 отсто од нив се повеќе за автоматски.
Рачен или автоматски менувач? Вечна дилема, но и точка на расправија меѓу возачите.
Автоматицте се претставуваат како иднината и сѐ помалку модели се нудат со рачен менувач на брзини, но возачите сепак не се откажуваат од нив.
Дури 40 отсто од возачите сè уште преферираат возила со рачен менувач, додека 46 отсто избираат автоматски. Ова е резултат од репрезентативното истражување спроведено од AutoScout24.
Најголемиот европски веб-сајт за продажба на половни автомобили, во соработка со институтот за истражување на пазарот Innofact, спроведе анкета меѓу 1.000 сопственици на автомобили за нивните преференции.
Во анализата на резултатите од ова истражување се наведува дека за оние кои претпочитаат рачни менувачи, главниот фокус е на забавата при возењето.
Поддржувачите на автоматиците првенствено ја ценат удобноста при возењето што доаѓа со автоматскиот менувач. И додека помладите возачи и мажите се одлучуваат за автоматски менувачи, жените и постарите возачи претпочитаат да возат автомобили со рачен менувач, покажува истражувањето.
Има и 14% од возачите кои не одлучиле кој тип на менувач го претпочитаат, туку им е сеедно каков користат.
