Рачно напишани белешки од Алберт Ајнштајн се продадени за неверојатни 13,7 милиони долари на аукција во Париз, пишува Sky News.
Белешките содржат 54 страници со ракописот на славниот научник и претставуваат еден од вкупно двата познати работни документи во кои ја разработувал неговата позната теорија за релативитет.
Организаторите претходно ја проценија вредноста на белешките меѓу 2,3 и 3,4 милиони долари. Во работата на овие белешки во текот на 1913 година и 1914 година учествувал и швајцарскиот физичар Бесо, близок пријател на Ајнштајн.
„Алберт чувал ретки документи, постојат многу малку од нив направени пред 1919 година, а сè уште да постојат. Поради тоа е неверојатно што овие белешки опстанале до денешен ден“, велат организаторите.
Додаваат дека исто така е посебен и фактот што во работата се гледаат јасните грешки и прецртувања, што докажува дека дури и генијалниот Ајнштајн грешел додека работел на неговите теории.
