Фудбал

Раиола: На Ибрахимовиќ му е отворена вратата во Милан

10. ноември 2018 - 18:11 | МИА

Агентот Мино Раиола не ја отфрла можноста Златан Ибрахимовиќ да се приклучи на Милан, како и Пол Погба да се врати во Јувентус.

– Ќе го потврдам она што веќе го реков. Мојот однос со новите директори на Милан е одличен, па вратата за Ибрахимовиќ е отворена. Сите опции остануваат достапни, изјави Раиола за евентуалниот трансфер на 37-годишниот Швеѓанец.

Агентот зборуваше и за можноста Пол Погба да се врати во Јувентус по две и пол сезони во Манчестер Јунајтед.

– Во моментов Погба е спокоен, бидејќи се чувствува важен во Јунајтед. Но Торино и Јувентус остануваат во неговото срце. Сѐ е можно, вели Италијанецот.

Ибрахимовиќ беше дел од тимот на „росонерите“ меѓу 2010 и 2012 година. Погба, пак играше во Јувентус меѓу 2012 и 2016 година.

Коментирај