Поранешната играчка легенда на Манчестер Јунајтед Рајан Гигс, денеска официјално беше именуван за нов селектор на репрезентацијата на Велс.
Фудбалскиот сојуз на Велс преку социјалните мрежи го соопшти новиот наследник на Крис Колман, а потоа официјално го претстави на денешната конференција за медиуми.
44-Годишниот Рајан Гигс беше главен фаворит за селекторската позиција уште од пред еден месец, кога и самиот изјави дека е заинтересиран за оваа функција.
Гигс договор со велшкиот фудбалски сојуз ќе потпише кон крајот на неделата, а ќе важи се до светското првенство 2022 година.
Некогашниот фудбалер на репрезентацијата на Велс меѓу 1991 и 2007 година, одигра вкупно 64 натпревари во дресот на оваа репрезентација, но никогаш немаше чест да заигра на Светско првенство.
Во својата скромна тренерска кариера му беше помошник на Ван Гал во Јунајтед, а „Олд Трафорд“ го напушти во 2016 година, кога тренерската функција ја презема Португалецот Жозе Мурињо.
