Иван Ракитиќ ја заврши кариерата во хрватската фудбалска репрезентација. Ракитиќ (32) беше клучна фигура во финалето на Мундијалот 2018 во Русија. Тој запиша вкупно 106 натпревари со 15 погодоци со репрезентацијата.
Хрватскиот фудбалер овој трансфер прозорец „раскина“ и со Барселона после шест години на Камп Ноу и се врати во Севиља.
Ракитиќ откри дека никогаш не бил близок пријател со Лионел Меси или Луси Суарес додека играше за Барса.
Во медиумите кружеа шпекулации дека Хрватот не се согласувал баш најдобро со ѕвезденото дуо во Барса, а тој признава дека не биле блиски, но дека ги почитува и двајцата.
„Го кажав моето“, изјави Ракитиќ за El Desmarque. „Мојот однос со нив никогаш не беше како со блиски пријатели. Мислам дека тоа е многу тешко во група од 23 или 24 играчи. Најблиски пријатели ми беа Андрес Иниеста, (Марк-Анде) Тер Штеген, (Кевин-Принс) Боатенг и Жуниор Фирпо минатата сезона“, рече Ракитиќ.
„Секако, ги почитувам и двајцата. Ми беа соиграчи шест години и двајцата се многу важни играчи. Многу убаво се согласувавме и имам најдлабока почит за нив. За време на карантинот сите бевме блиски, речиси како соседи. Многу сум благодарен за начинот на кој ме третираа низ годините“, додаде Ракитиќ.
Тој зборуваше и за заминувањето од репрезентацијата.
„Да се збогувам со репрезентацијата на Хрватска беше најтешката одлука во мојата кариера, но чувствувам дека дојде време да се збогувам. Уживав на секој натпревар што го играв за мојата земја, а незаборавните моменти на Светското првенство засекогаш ќе останат меѓу моите омилени. Верувам дека сè уште имаме одличен тим на кој му претстои светла иднина. На моите пријатели и соиграчи им посакувам многу среќа за идните предизвици, а во моето лице ќе го имаат својот најголем фан“, прокоментира Ракитиќ.
Nakon 106 utakmica i 15 golova za Hrvatsku, danas se od reprezentacije oprostio Ivan Rakitić 🚀😢 Raketa, hvala ti na SVEMU👏🏼❤️🇭🇷🥈 I ako će trebati pucati peti jedanaesterac za pobjedu, zovemo te ☎️🙏🏼
Posted by Hrvatski nogometni savez on Monday, September 21, 2020